Plantun de Prouvènço

Pèr coumpara dos planto d'encò nostre

Rumex conglomeratus & Myosotis congesta

Rumex conglomeratus

Polygonaceae

Nom en français : Oseille agglomérée.

Descripcioun :
Aquesto paciènci, un pau grando, trachis dins lis armas bagna e en ribo d'aigo. Li fueio amé un pecou e un pau longo, soun pas acide. Se recounèis subretout à si valvo de fru entiero, pu longo que larjo emé tres couissin desveloupa.

Usanço :
Li jóuini fueio podon se manja crudo, pièi, pu grosso, li fau faire bouli en chanjant l'aigo. Emé de la soun mens astringènto. En Grèço se n'en servon coume de fueio de vigno.

Port : Erbo
Taio : 30 à 90 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : Pancaro entresigna
Flourido : Printèms - Estiéu

Sòu : Si (Ca)
Autour basso e auto : 0 à 1200 m
Aparado : Noun
Jun à setèmbre

Liò : Ribiero - Prado umido
Estànci : Termoumediterran à Coulinen
Couroulougi : Éurasiatico
Ref. sc. : Rumex conglomeratus Murray, 1770

Te-vese-e-t'ame(-di-flour-sarrado)

Myosotis congesta

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis à fleurs serrées.

Descripcioun :
Aquéu te-vese-e-t'ame trachis dins li tepiero sablouso, séusouso e umido. Au nostre se vèi soulamen en Prouvènço séusouso. Douno d'èr à Myosotis ramosissima, mai li flour soun mai sarrado, emé de pecou courtet e mens clina. La baso di petalo èi roujo e souvènt gounflo. Pensa de coumpara emé lis autri te-vese-e-t'ame en quichan sus la flècho verdo çai-souto.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").